Мәстексай Мәштексай — Батыс Қазақстан облысы Жаңақала ауданынндағы ауыл, ауылдық округтың орталығы. Аудан орталығы — Жаңақала ауылынан оңтүстік-батысқа қарай 33 км жерде. Тұрғыны 1,8 мың адам (2003). 1962 — 1997 ж. асыл тұқымды "Мәстексай” қой өсіру кеңшарының орталығы болған. Оның негізінде Мәстексайда және округке қарасты Екпінді, Көккөз, Мұқыр ауылдарында бірнеше шаруа қожалықтары құрылған. Қара өзеннің жағасында орналасқан ауыл. Аудан орталығынан ауылға дейінгі жол – шоқалақ. Мәстексай аталуы – ертеде Мәстек деген бай болыпты, сол байдың жылқысы көп болғаны соншалық үйір жылқысы өткен жерден сайдың ізі қалатын болыпты. Бірде байдың інісі қызғаныштан, жылқы бағып жүріп, барлық жылқыны ағасының үйіне қарай айдапты. Қашып құтылалмайтынын біліп үйір жылқыға тапалып өліпті. Мәстек деген байдың өлген жерінде ұзыннан ауыды екіге бөліп тұрған сай қалыпты. Содан Мәстексай атанған.