| Главная » Файлы » Ұстаздарға көмек » Тәрбие сағаты |
Отбасы – тәрбиенің ұясы
| 24.09.2015, 10:27 | |
| «Отбасы – тәрбиенің ұясы» Мақсаты: Бала тәрбиесінің алтын қазығы туған ұясы, өз отбасындағы ата - ана тәрбиесі, өнегесі және ата - ана баланың басты ұстазы екенін түсіндіру; ә) Оқушылардың сана - сезімін дамыту, ата – ана мен баланың өзара түсіністіктерін арттыру, ата – ана, ұстаздар мен оқушылар арасында тығыз байланысты қалыптастыру; б) Адамгершілікке, мейірімділікке тәрбиелеу, ата - анасын қадірлей, құрметтей білуге дағдыландыру. Көрнекілігі: слайдтар, мақал - мәтелдер, интерактивті тақта. Барысы: 1 жүргізуші: Жақсыдан жаман туады, Бір аяқ асқа алғысыз. Жаманнан жақсы туады, Адам айтса нанғысыз. Баланың бас ұстазы – ата - ана. Ұлтымызда « Ұяда не көрсең, ұшқанда соны ілерсің» деген дана сөз бар. «Балапан қыран болу үшін оны самғатып ұшыратын ата - анасы да қыран болуы керек» деп отбасылық тәрбиеге ерекше тоқталған. 2 жүргізуші: Ата - ана – отбасының негізгі діңгегі, бастапқы дәнекері. Бала әкеден ақыл, анадан мейірім алады. Әке – отбасының асыраушысы, қамқоршысы, тірегі, ана – отбасының ұйтқысы, жылуы, шуағы. Жақсы ана отбасына береке әкеліп оларды бақытқа бөлейді. Ата - анаға баладан артық ешкім жоқ. Ал енді «Отбасы – тәрбиенің ұясы» атты тәрбие сағатымызда бастаймыз. 1 жүргізуші: осынау іс - шараға келіпсіздер жиылып, Сәлем бердік сіздерге біз де міне. Ұлың өсіп келеді, ата - ананың үміті, Тәрбиелеп келесіз ел қорғайтын жігітті. 2 жүргізуші: Қыз бой жетіп келеді шуақ шашып әр үйге Гүлдей болып өссінші, сыйлы болып бәріне. Ата – ананың жүрегі «бала» деп қана соғады, Баласы жақсы адамның басына бақыт қонады. Өмірбек: Мұзафар Әлімбаев. «Ата - ана үміті» Қипақтайда қит етсе анаң, әкең: Қайтсем ғана осыны адам етсем? Басқалардың осындай балалары Тап осындай жаңғалақ, шала ма екен? Ойым емес, оллаһи, біздікінің Енжарлығы елде жоқ ала бөтен. Туа сала тұлпардың жалын тартқан Қырғиларға қызығып қарап өтем. Жарық сыйлап, маңына жылу сыйлап, Бұ да бір күн алаудай жанар ма екен? Ел қатарлы елеулі еңбек етсе - ау, Болмаса да топжарған дара бөтен. Мүше тістеп мықтылар той жасаса, Жерге қарап мен сорлы қалар ма екем? Үміт пенен күдіктің ортасында Ата - ананың үміті талады екен. 1 жүргізуші: Міне, осылайша өз баласының болашағына алаңдап, қайтсем де баламды адам етем деген ата - ананың үміті, арманы баласымен бірге орындалады. 2 жүргізуші: Бүгінгі сабағымызда бала тәрбиесіндегі ата - ананың, отбасының орны жайында ой бөлісеміз 1 жүргізуші: Тәрбие баламен әңгімелесумен, сөйлесумен, оған ақыл - кеңес берумен ғана шектеліп қоймайды. Тәрбие - тұрмысты ұйымдастыра білуде, балаға әркімнің өз жеке басы арқылы өнеге көрсету. Отбасындағы бала тәрбиесі халық өмірімен, қоғамның мақсат - мүддесімен байланысты болу керек. Ендеше ата - аналарға сұрақтар беру арқылы ойларын тыңдап көрейік. 1. Бала тәрбиесіне қатысты қызыққа тән қандай қасиеттерді дұрыс деп ойлайсыз? 2. Бала үшін ата - ананың қайсысының беделі күшті ойлайсыз? 3. Дені сау, тәрбиелі, өрелі бала өсіру үшін не қажет деп ойлайсыз? 4. Бақытыңды балаңнан ізде деген сөздің мағынасы қалай түсінесіз? (Ата - аналар пікірлері тыңдалады) Толық нұсқасын жүктеу | |
| Просмотров: 1677 | Загрузок: 0 | | |
| Всего комментариев: 0 | |