| Главная » Файлы » Ұстаздарға көмек » Тәрбие сағаты |
Наурыз - думан
| 24.09.2015, 08:37 | |
|
«Наурыз - думан» ән сайысы 1. Мереке «Наурыз - думан» әнімен ашылады. 1 - жүргізуші: Армысыздар қадірлі, халқым менің, Ақтарған кең даламның алтын кенің. Мереке басы болсын берекенің Ардақты «Наурыз - тойы»- салтыңды елім. 2 - жүргізуші: Ал, халайық, тұрмайық, Әндетейік жырлайық Ортамызды ашайық, Думандатып би - билеп, Інжу - маржан шашайық. 1 - жүргізуші: - Қадірлі ұстаздар, ата - аналар, оқушылар! Наурыз мерекесіне орай, бастауыш сынып оқушыларымен ата - аналары арасында өткізгелі отырған «наурыз - думан» ән сайысына қош келдіңіздер! 2 - жүргізуші: Жүректен өлең төгіп, қосқан жырға, Тұлпардай топтан озған жүйрік тұлға. Қошеметтеп, асыл халқым, қол соғыңдар, Думанға қатысушы тұлғаларды. 1 - жүргізуші: Ән - сайысына қатысатын өнерпаздарды қошеметпен ортаға шақырайық! ------------------------- 1 - жүргізуші: - Құрбысымен ән орындайтын өнерпаздар: ------------------------------ 1 - жүргізуші: 3 сынып оқушылары ------------------------------ 2 - жүргізуші: 4 сынып оқушылары: ------------------------------ 1 - жүргізуші: Той деп бүгін, көңіл шіркін тасады, Той деп бүгін, халқым шашу шашады - дегендей, - Бүгінгі үлкен тойымыздың, ән - сайысымыздың әділ бағасын беретін қазылармен танысып өтейік. - Бүгінгі ән - сайысымыздың бағдарламасымен таныстырып өтейік. 1 - кезекте «Хор»сайысы 1 - жүргізуші: 2 - кезекте «Ата - анасымен баласы»бірігіп орындайтын ән 2 - жүргізуші: 3 - кезекте «Құрбысымен» орындалатын ән 1 - жүргізуші: 1 - сынып оқушылары: «Құттықтаймын, Мама, туған күніңмен» 2 - жүргізуші: 2 - сынып оқушылары: «Достық» әні 1 - жүргізуші: 3 - сынып оқушылары: «Солдат болам мен ертең!» 2 - жүргізуші: 4 - сынып оқушылары: «Отаным - Қазақстан» 1 - жүргізуші: Қарсы алайық халайық, Аруға көз салайық Алуа мен Алтынға Қанеки қол соғайық! Ән: «Бау - бақша белдер» 2 - жүргізуші: Жан шуағы, күн шуағы арай ма, Ұстаз деген әулиедей талайға Басын иіп өткен жоқ па біз түгіл, Әл - Фараби, Омар Хаям, Абай да Өз өнерін көрсетуге ортаға - Жазира мен Райханқызы Қарлығашты шақырайық Ән: «Жан гүлім» 1 - жүргізуші: Жанып түсер шәкірт десе жанары, Алмагүлдің бастауышта сабағы Алып жүрген қоғамдық сан жұмысты Қамтиды ол қосымша көп саланы Өз өнерін көрсетуге ортаға - Айбасқызы Алмагүл мен Санжарды шақырамыз Ән: «Менің анам алтын» 2 - жүргізуші: Бала - шаға отбасымен бақытты, Күнде Жібек мектебіне асықты, Баласының ісін құптап анасы Іскерлікпен ісін алға тасытты. - Амангелдіқызы Алтынай мен Жібекті «Бала тілегі» әнімен қарсы алайық 1 - жүргізуші: Бұл мереке сенің арқаң, әкешім Бір мен үшін керектіні табасың. Балаң жақсы деген сөзді естісең, Күлімсіреп, қуанып бір қаласың. - Балтанұлы Қайрат пен Мадинаны ортаға шақырамыз. Ән: «Балама» 2 - жүргізуші: Ана - көркі көгімнің, Ана - нұры жерімнің Ана - бағы баланың, Ана - бақыт, Ана - күн - Нуроллайқызы Эльвира мен Алинаны ортаға шақырамыз Ән: «Айгөлек» 1 - жүргізуші: Апам мені: «Айым», - дейді. Мен мұңайсам, уайым жейді. Апам мені: «Күнім», - дейді, Мен қуансам, күлімдейді. - әжесі Сағынаева Сания мен немересі Арманды қошеметтеп ортаға шақырамыз. Ән: «Анаға сәлем» 2 - жүргізуші: Өнерлілер қанат қағар қалықтап, Ән салады, би билейді шарықтап, Өнерпаздың қайсылары мықты екенін Бүгінгі күн сайысымыз анықтар. Ән: «Қошақаным» 1 - жүргізуші: Ән: «Әнші балапан» 2 - жүргізуші: Ән: «Солдат болам мен ертең!» 1 - жүргізуші: Ән: «Мектебім» 2 - жүргізуші: Осындай той қазақта бола берсін, Көңілдерге жақсылық тола берсін, Бақ - береке, дәулет, табыс, денсаулық, Әр отбасына молынан қона берсін. 1 - жүргізуші: - Бүгінгі ән - сайысына қатысушы өнерпаздарды ортаға шақырайық. Сайысымыздың қорытындысын айту үшін қазылар алқасына сөз беріледі. 2 - жүргізуші: Ал енді құрметті ұстаздар мен ата - аналар, оқушылар, бүгінгі Наурыз мерекесіне арналған «Наурыз думан» атты ән - сайысымыз өз мәресіне де жетті. Барлықтарыңызды Наурыздың киелі сусыны, Наурыз көжеден дәм татуға ақ дастарханымызға шақырамыз. | |
| Просмотров: 648 | Загрузок: 0 | | |
| Всего комментариев: 0 | |