Ана тілі

  Сагабаева Зауре Нурмашовна   Бөдеті орта мектебі.

  Сабақтың тақырыбы: А. Құнанбаев Ғылым таппай мақтанба.

  Сабақтың мақсаты: Қазақтың ұлы ақыны А. Құнанбаевтың шығармашылығымен таныстыру, өлеңнің негізгі идеясын ашу, сыни тұрғыдан ойлауға дағдыландыру, өз ойын еркін жеткізуге үйрете отырып, адам бойындағы жағымсыз қасиеттерден бойын аулақ ұстауға тәрбиелеу.

  Күтілетін нәтиже: Ұлы ақын А. Құнанбаевтың шығармашылығымен танысады, өлеңдерін мәнерлеп оқиды, талдайды, сөздік қорларын дамытады.

 Оқушыларды топқа бөлу. Гүлдердің түрлерін таңдау арқылы топтарға бөлу.           Топ басшыларын сайлау.

  Жаңа сабақ

1. «Ойлан, жұптас, пікірлес» әдісі

«... Талап, еңбек, терең ой,

Қанағат, рақым ойлап қой,

Бес асыл іс – көнсеңіз»

Бұл кімнің өлеңі, қай өлеңінен алынған?

Абай ата туралы не білеміз?

Абай Құнанбаев. Азан шақырып қойған аты – Ибраһим. Семей облысы, Абай ауданында дүниеге келген. Қазақ халқының ұлы ақыны, асыл сөз зергері. Анасының аты – Ұлжан. Әжесінің аты – Зере. Абай кішкентайынан әжесі Зеренің қызықты ертегісін тыңдап өседі.

Ғылым таппай мақтанба.

Ғылым таппай мақтанба,

Орын таппай баптанба,

Құмарланып шаттанба,

Ойнап босқа күлуге.

Бес нәрседен қашық бол,

Адам болам десеңіз.

Тілеуің, өмірің алдыңда,

Оған қайғы жесеңіз.

Өсек, өтірік, мақтаншақ,

Еріншек, бекер мал мақтаншақ –

Бес дұшпаның, білсеңіз.

Талап, еңбек, терең ой,

Қанағат, рақым, ойлап қой –

Бес асыл іс көнсеңіз.

Ғалым болмай немене,

Балалықты қисаңыз.

Болмасаң да ұқсап бақ,

Бір ғалымды көрсеңіз.

Ондай болмақ қайда деп,

Айтпа ғылым сүйсеңіз.

Сізге ғылым кім берер,

Жанбай жатып сөнсеңіз.

Дүние де өзі, мал да өзі,

Ғылымға көңіл бөлсеңіз.

Өзің үшін үйренсең,

Жамандықтан жиренсең,

Ашыларсың жылма-жыл...