Жетісу облысы— 1867 ж. 11 шілдеде құрылған Түркістан генерал-губернаторлығының құрамындағы әкімшілік аймақ. Генерал-губернаторлыққа Жетісу облысынан басқа Сырдария облысы да кірді. Бұл облыстардың шекарасы Құрағаты мен Шу өзендері бойымен өтті. Жетісу облысының құрамында бұрынғы Сергиополь (аз бөлігі Семей облысында қалды), Қапал, Алатау округтері мен Түркістан облысының бір бөлігі (Құрағаты өзенінің оң жақ жағалауымен) есебінен қазақтар тұратын Сергиополь (1875 жылдан Лепсі), Қапал, Верный уездері, қырғыздар тұратын Ыстықкөл (кейін Қарақол), Тоқмақ (кейін Пішпек) уездері құрылды. Жетісу облысы 1882 жылға дейін Түркістан генерал-губернаторлығының құрамында болып, сол жылы Ақмола, Семей облыстарымен бірге жаңадан ұйымдасқан Дала генерал-губернаторлығының құрамына кірді. 1897 ж. қайтадан Түркістан генерал-губернаторлығына енді. Жетісу облысы 1917 жылға дейін 1891 жылғы "Дала ережесі” бойынша басқарылды
|