Жақсығұлов турнирі – қазақша күрес бойынша Кеңес Одағының Батыры С.Жақсығұлов атындағы республикалық турнир. 1976 жылдан Тасқала ауданының «Жастар» стадионында өткізілді. Турнир жеңімпаздары мен жүлдегерлеріне медальдар, белгілер, жалаушалар, ескерткіш бұйымдар беру дәстүрі қалыптасқан. Құрылған күннен бастап Жақсығұлов турниріне Қазақстан мен Орта Азия республикаларынан 2 мыңдай спортшы қатысты. Солардың ішінде Б.Шулумов (1979), Ө.Молдабеков (1987), О.Қожагелдин (1993) абсолют чемпион атағына ие болды. Бұл республикалық турнирде 150-дей спорт шеберлері мен түрлі дәрежедегі спортшылар өз шеберліктерін шыңдай, көрсете білді.
|