Кирсанов — тарихи елді мекен. 16-ғ-дың 80-ж-нда казак-орыстардың Жайық өзені жағалауына, қазақ даласына көшіп келгенде алғаш орныққан жерлерінің бірі. Қазір ол «Кирсанов кенті» деп аталады. 1773-75 ж. Кирсановтың тұрғылықты казак-орыстары Е.Пугачев бастаған шаруалар көтерілісіне қатысқан. 19 ғ-да елді мекен Январцев станицасы құрамына кірді де, осы ғасырдың соңында жеке станица болып бөлініп шықты. Кеңес дәуірінде Приурал қорықшасы ауданының ұжымшар орталығы болды.