Ішек сөлі – кейбір омыртқасыздар, (ұлулар, буынаяқтылар) және омыртқалы жануарлардың ащы және тоқ ішек бездері бөліп шығаратын сұйық зат, соңғыларының ішек сөлдері түссіз немесе сарғыш. Ішектегі заттар, химустың механикалық және химиялық тітіркендіргіш әсерінен сөл үнемі тоқтаусыз бөлініп тұрады. Оның құрамында, су, органикалық және органикалық емес заттар ферменттер, (амилаза, сахароза, нуклеаза т.б.) бар. Адам тәулігіне 1-3 л сөл бөліп шығарады.